Ás 12:15 do sábado, no pavillón Ceip Fogar, en Carballo, daba comezo o enfrontamento entre a Punta do Leste Xiria e o Arteixo Bm.
As carballesas cunha liña evolutiva ascendente no seu xogo mostráronse superiores ao seu rival; que non foi capaz de superar a defensa 3:3 local, á que foi sometida e que lles serviu para conseguir os dous puntos á Punta del Este Xiria. O marcador final foi de 21 a 11.
Finalmente son cuartas nesta primeira fase da liga regular; o que lles levará a seguir adestrando duro, xa que enseguida dará comezo a Copa, na que quererán realizar un bo papel, e dar un salto de calidade ata o final de tempada co fin de aspirar a obxectivos máis altos de agora en diante.
Por parte da Punta Do Leste Xiria, xogaron: Elena Collazo [p], Natalia Cancela, Paula Bouzas, Marta Gómez, Lucía España, Lara Otero, Anna Hernández, Alba García, María García, Nerea Valera, Valeria Figueroa, Nina Pereira, Ana Pombo.
