Fase de ascenso a División de Honra Prata

O Calvo Xiria, subcampión de liga no Grupo A da 1ª División Estatal, desprázase a vindeira fin de semana á localidade cántabra de Santoña para tentar o ascenso á categoría de Prata do balonmán español.

O equipo carballés terá como rivais ao ACV Bm Santoña, campión do grupo B, Cajasur Córdoba de Balonmano, campión do grupo F, e Bm Elda CE Eldense, subcampión do grupo E.

O Calvo Xiria comezará a fase enfrontándose ao equipo anfitrión da fase, o Bm Santoña, o venres 18 ás 20.30 h. Na segunda xornada, o sábado 19 á mesma hora, o rival será o Bm Córdoba. E para rematar a fase o domingo ás 10.30 h, os rapaces de Fernando Vázquez xogarán fronte ao Elda.

calendarioFase