Acadou os dous puntos que precisaba o Calvo Xiria ante o Seis do Nadal para certificar matematicamente a presenza do conxunto carballés na fase de ascenso a División de Honra por segundo ano consecutivo. Un enorme éxito dos xogadores verdinegros que traballaron a reo durante toda a tempada para ter de novo a opción de saltar de categoría.

O partido resúmese na diferente intensidade dos dous equipos, lóxico nun enfrontamento no que aos locais lles ía toda a tempada namentres os vigueses non tiñan obxectivo algún. Con este panorama foron suficientes quince minutos para que o marcador sinalase un +9 a prol do Calvo Xiria que deixaba o partido visto para sentenza. Aínda así os carballeses foron un conxunto moi serio, cas ideas claras e cunha idea clara de seguir a traballar para evitar posibles problemas. Co asubío final todo xogadores e seareiros tiveron o seu merecido recoñecemento mutuo, deixando ben as claras a importancia do apoio dos seus seareiros.

Queda agora un viaxe a Vigo para os carballeses no que disputarán ante o Lavadores o derradeiro partido de liga de 1ª Estatal e no que, en caso de que o Porriño gañe o seu partido este domingo, necesitarán os dous puntos para facerse co campionato ligueiro.

Incidencias: partido disputado no Pavillón Vila de Noia ante máis de 500 seareiros.  Colexiados: Francisco Fernández Herrero e Adrián Rodríguez Valdés do colexio asturiano. Castigaron con exclusión polo Calvo Xiria a Brais Puñal (19´), Javier Rodríguez (32´), Miguel Suárez-Pumariega (44´), Julián López (45´). Namentres polo Magope Seis do Nadal Coia foron sancionados Denis Estévez (16´), Iván López (53´). 7 metros: Calvo Xiria 1//1    Magope Seis do Nadal- Coia 2//3. Marcador cada 5 minutos: 3-1, 8-3, 13-4, 13-6, 16-7, 19-8 descanso, 22-9, 25-12, 28-14, 31-16, 34-17, 38-18.

CALVO XIRIA 38 (19+19): Santiago Gómez [p] (1), Martín Gómez [p], Brais Puñal, Pablo Iglesias (3), Carlos Vilanova (5), Sergio Facal (3), Gonzalo Pombo (4), Alejandro Calvete (2), Javier Rodríguez (3), Julián López (1), Hugo Rodríguez (4), Martín Alfeirán (5), Jorge Bouzas (1), Manuel Méndez (1), Miguel Suárez-Pumariega (1), Uxío Batán (5).

MAGOPE SEIS DO NADAL-COIA 18 (8+10): Juan Tizón [p], Diego García [p], Artur Costa (1), Santiago Iglesias, Denis Estévez (2), Marcos Treinta (1), David Alves (1), Iván López (4), Jacobo Rodríguez (3), Pablo García (4), Yago Santomé, David Costa (2), Andrés Novoa.