O Hierros Varela Urbieta suma fronte o Ribadosar

Hierros Varela Urbieta Xiria 33 – Ribadosar Amancio Deportes 32 (16-19)

Tivo que redobrar esforzos o Hierros Varela Urbieta diante do seu rival, tras un bo comezo dos carballeses, que o situaban con vantaxe no marcador, o Xiria converteuse nun equipo falto de ritmo e moi permisivo en defensa coas accións do rival, encaixando 19 goles na primeira metade. A defensa presionando sobre o central que realizou o Ribadosar, paralizou o ataque carballés que careceu de ideas para afrontalo.

Estaba claro que si o Xiria quería darlle a volta ao encontro, todo tiña que pasar por subir a intensidade defensiva e buscar alternativas en ataque. Con continuos desdobramentos e enlazando xogadas co pivote, o Hierros Varela Urbieta foi superando a defensa rival e chegando en cómodas accións diante do porteiro rival. Chegouse co marcador igualado nos derradeiros intres do encontro, onde calquera de ambos equipos puido facerse cos dous puntos, pero desta vez foi o Xiria quen estivo máis atinado, 33 a 32 final.

Hierros Varela Urbieta Xiria 33 (16): Julio Ferreiro e Pedro Pena (porteiros) Carlos Varela 4, Aaron Rodríguez 6, Diego Rodríguez 4, Fernando Mallo 6, Xurxo Díaz 2, Pablo Esmorís, Franco Rial 5, Ivan Hernández, Paulo Collazo, Javi Rodríguez, Manuel Varela e Toni Calvelo 6.

Ribadosar Amancio Deportes 32 (19): Mateo Mejuto e Rubén Suárez (porteiros) Ari Stermmansoon 6, Xoaquín Tarrio 6, Felipe Ninni 8, Bruno Montes 4, Gonzalo Guerra 3, Ricardo Franco 2, Enrique Vázquez 1 e Jorge Tourón 2.

Arbitrou: Henrique Folgoso, sen complicacións