IMG-20180210-WA0016

O Punta del Este vence e segue no posto máis alto da táboa

Viaxaba o sábado 10 o equipo feminino Punta del Este a Camariñas para disputar o partido da 11ª xornada da liga. O partido anticipábase igualado pois, na ida os dous equipos xogaran un partido vibrante no pavillón do Ceip Fogar. O partido era moi importante para as aspiracións do equipo, e con ese pretexto as xogadoras carballesas saíron moi intensas á pista. Os primeiros minutos do encontro estiveron marcados pola igualdade, a defensa carballesa estaba intensa pero debido a descoidos na marcaxe á rival Camariñas conseguía facer goles. Con todo en canto a defensa carballesa  se axustou as distancias no marcador comezaron a sucederse, pois, en ataque as xogadoras do Punta do Leste conseguían desbordar á defensa camariñán. Desta maneira chegamos ao descanso cun marcador moi favorable ao equipo visitante 8-19.

 

Na segunda parte o Camariñas buscou cambios tácticos para remontar o encontro, estes cambios axudáronlle a recortar distancias pero aos poucos a defensa volveu axustar e conseguiu que a distancia se mantivese. A pesar de non realizar unha segunda parte tan brillante como a primeira o Punta del Este soubo rendibilizar a vantaxe. Para a semana volven ter un partido importante as mozas do Punta del Este para loitar por estar no máis alto da táboa.

ENCAIXE CAMARIÑAS 19 (8+11) Lara Canosa, Cristina Mouzo (3), Claudia Santos (4), Laura, Carla Vigo (9), Lucía Barreiro (2), Andrea Rial, Lara González, Sara González, Lucía Barreiro (2), Alba González, Rosalía Alonso

PUNTA DEL ESTE 32 (19+13) Elena Collazo [p],  Valeria Figueroa, Lucía España (3), Nerea Varela (3), Nina Pereira (5), Alba García (6), Lara Otero (11), Marta Gómez (3), Anna Hernández, Paula Bouzas.