Grupo Lemaco Xiria 36 – Balonmán Chapela 25 (16-15)
Tivo que centrarse en defensa e ordenarse en ataque o Grupo Lemaco para marcar diferenzas co seu rival, pois nos primeiros 30 minutos non atopou o sitio na pista e dou facilidades aos vigueses.
Saíu demasiado confiado o Xiria no inicio do encontro, sen tensión nas accións defensivas e moi desacertado cara a gol. O seu rival collía confianza e poñía en dificultades aos carballeses, primeira parte de intercambio de goles cun resultado igualado ao descanso.
Con maior intensidade defensiva e mellor situado sobre o terreo de xogo en ataque, para poder entrelazar a continuidade de balón e conseguir chegar en accións francas diante do meta rival, as cousas empezaron a tornarse, e viuse un mellor Xiria que dominou o partido chegando a conseguir eses 11 goles de diferenza.
Na vindeira semana, o Grupo Lemaco desprazarase a Pontevedra para medirse ao Balonmán Cisne, cuarto na clasificación.
Grupo Lemaco Xiria 36 (16): Diego Lema e Julio Ferreiro (porteiros) Iker Martínez 1, Alex Gómez 11, Iago Rincón, Renzo Díaz 1, Adrián Mesejo 3, Franco Rial 1, Brais Vila 4, Mario Rincón 2, Andrés Urbieta 9, Manuel Varela 1, Diego Rodríguez e Mario Cancela 3.
Balonmán Chapela 25 (15): Roi Sella e Marco Covelo (porteiros) , Ivan Fernández 2, Miguel Espiño 2, Marco Covelo, Nicolás Correa 8, Jonathan Ojea, José López 1, Dario Pérez 8, Ivan Silva, Manuel González 1 e Anxo Fontán 3.
Marcador cada 5 min: 1-3 / 3-5 / 7-7 / 10-8/ 14-10 / 16-15// 21-18 / 23-18 / 25-20/ 29-23/ 33-24/ 36-25
Arbitrou: Pablo Barreiro, ben, sen complicacións