Grupo Lemaco Xiria 28 – Balonmán Porriño 22 (13-11)

Non fixo un bo partido o Laber, pero foi quen de sacar os puntos diante dun Balonmán Porriño moi combativo que pelexou durante os 60 minutos.

Empezou ben o Xiria, con intensidade defensiva acortando as ocasións do rival pero faltáballe claridade no ataque, onde a precipitación convidaba a ataques curtos e lanzamentos precipitados, algo que quedou clara ao desperdiciar varias contras seguidas que ben puideran ter decidido o encontro. Tras poñerse con certa vantaxe no marcador, a relaxación defensiva permitía ao Porriño introducir balóns claros cara a liña de seis metros onde os pivotes recibían sen oposición e transformaban, igualando o encontro e acurtando distancias.

Na segunda metade o Xiria repregouse a un 6:0 defensivo, incidindo na marcaxe sobre os pivotes rivais, dándolle froito xa de inicio e distanciándose no encontro, cun 20 a 14 a falta de 15 minutos parecía o arreón definitivo. Pero volveron os fallos no ataque coas perdas numerosas de balón pola relaxación, algo que non perdoou o rival para volver a meterse no partido. Nun partido de ida e volta, o Laber Xiria volveu a pechar a defensa e conseguiu materializar os ataque, o que supuxo impoñerse por un final 28 a 22

Grupo Lemaco Xiria 28 (13): Diego Lema e Julio Ferreiro (porteiros) Iker Martínez 2, Alex Gómez 11, Adrián Mesejo 1, Mario Cancela 8, Dani Mallo, Franco Rial 1, Diego Antelo, Aaron Rodríguez, Brais Vila 2, Ivan Hernández, Renzo Díaz, Andrés Urbieta 3 e Manuel Rama.

Balonmán Porriño 22 (11): Alai Merino e Joao Pereira (porteiros) Jesús Maquieria 5, Mario Basconcello 1, Abdelkader Serkouh 7, Saul Candán 4, David Díaz 2, Adrián Cruz, Daniel Philippon, Ivan Fandiño 1, Oscar Basconcello 1 e Tomás Rodríguez 1.

Arbitraron: Pablo Torreiro e Henrique Folgoso , sen complicacións.