Aínda que non era un encontro «vital» dada a posición de privilexio que ocupa o Calvo Xiria na táboa de clasificación e a diferenza con respecto aos seus perseguidores, os xogadores de Carballo si se mostraban especialmente ansiosos pola chegada do encontro ante o ambiente xerado e a posibilidade de alcanzar de novo o liderado. Pero o exceso de ganas ás veces pode ser mala conselleira e neste caso, a sobreexcitación só levou ao abandono dos pláns de partido.

Era un encontro onde o Calvo Xiria sabía que para impoñerse ao seu rival, debería de mostrar o nivel defensivo que tantos éxitos déralle nas últimas semanas e onde ía ter que mostrarse especialmente atento ás situacións de 2×2. A velocidade ía ser outra arma imprescindible e dentro da sistemática de ataque, o xogo colectivo e por tanto a continuidade do balón nos ataques evitando os golpes francos e buscando as mellores opcións de lanzamento entre liñas ou en penetración. Xa se puido ver nos primeiros compases que a defensa actuaba con excesivo ímpeto, influenciada máis polo corazón que polos conceptos tácticos requiridos e así, o Calvo Xiria sufría a primeira exclusión cando aínda non se cumpriu o minuto tres. Os de Carballo estreaban o marcador (0-1) e non aproveitaban os erros do seu rival nestes primeiros compases, por contra, desperdiciaba ata tres ocasiones claras de apropiarse dun comezo soñado e esperanzador. xa se podía visualizar a ansiedade en cada un dos xogadores fronte á calma dos olívicos, que se irían entoando segundo pasaban os minutos aproveitando os erros dos verdinegros.

A sobreexcitación levábanos a un contexto onde o Calvo Xiria confundía a desexada velocidade co exceso de présa e o xogo colectivo, excesivamente acelerado, daba paso ao intento de solucións individuais polas colectivas. Estaban os bergantiñáns nun panorama perigoso, xustamente a paisaxe que máis podía favorecer aos locais. O Construcións Castro conseguía colocar unha diferenza de catro goles ao seu favor, pero o Calvo Xiria, que buscaba formúlaa de reverter a situación con cambios de homes e de sistemática defensiva, conseguiría irse ao descanso con todas as opcións para reverter a situación (14-13). A mala noticia nas postrimerías deste tempo xurdía coa descualificación de Iván Amarelle, que deixaba orfa a defensa e, xunto á ausencia de Pablo Igrexas por motivos persoais, a primeira liña do ataque carballés.

A sobreexcitación levábanos a un contexto onde o Calvo Xiria confundía a desexada velocidade co exceso de présa e o xogo colectivo, excesivamente acelerado, daba paso ao intento de solucións individuais polas colectivas. Estaban os bergantiñáns nun panorama perigoso, xustamente a paisaxe que máis podía favorecer aos locais. O Construcións Castro conseguía colocar unha diferenza de catro goles ao seu favor, pero o Calvo Xiria, que buscaba formúlaa de reverter a situación con cambios de homes e de sistemática defensiva, conseguiría irse ao descanso con todas as opcións para reverter a situación (14-13). A mala noticia nas postrimerías deste tempo xurdía coa descualificación de Iván Amarelle, que deixaba orfa a defensa e, xunto á ausencia de Pablo Igrexas por motivos persoais, a primeira liña do ataque carballés.

A derrota ante o Construcións Castro Lavadores, afasta aos carballeses do primeiro posto, pero igualmente mantenos cunha diferenza importante nesa segunda praza que dá opción a xogar unha nova fase de ascenso, obxectivo principal de Calvo Xiria. Para iso, os de Carballo terán que recuperarse desta derrota e volver mostrar ese traballo colectivo que tantas alegrías deulles neste inicio de ano.

Contrucciones Castro Lavadores: 29 (14+15). Pablo Chantada, Alan E. Villalobos (6), Felipe Lorenzo, Adrián Suárez, Jorge Fontenla (6), Fabián González, Daniel Miro, Carlos Pombo (6), Iván Calvo, David Escudero, Javier Freijeiro, Abiel E. Villalobos (4), Luis M. Lorasque (3), Eduardo Alonso, Pablo Grcía (2), Xoel Martínez (1).

Calvo Xiria: 25 (13+12). Iago Gómez (p), Antonio Mato (p), Carlos Vilanova, Gabriel Castiñeiras (1),  Cuco (2), Julián López, Fran Rey, Brais Puñal (1), Carlos García (4), Chimpo (9), Juan Carlos Rodríguez (5), Manuel Méndez (2), Jorge Bouzas, Alejando Calvete, Enrique Pena, Iván Amarelle.

Parciais cada 5´: 2-1 / 5-4/ 8-6/ 11-8/ 14-11/ 14-13/Descanso/17-15/ 19-16/ 22-19/ 24-19/ 27-21/ 29-24. Final

Colexiados: Oscar Gutierrez e Jorge Monje. Desafortunados, inda que non influiron no resultado final.

Incidencias: Encontro da 17ª xornada da 1ª nacional celebrado no pavillón de Lavadores en Vigo. Nas bancadas, repletas de seareiros, máis de cincoenta seguidores desprazados dende Carballo que non pararon de animar o seu equipo.