ASESORÍA SUEIRO XIRIA 42 –BM. CITY PUB VIVEIRO 14

Asesoría Sueiro Xiria (22+20) 42: Guillín (1), Ramón (3), Norberto (10), Manuel (4), Juan (4) Díaz (8) e Puente (2) – equipo inicial – Ricardo (2), Javier (3), Eloy (3), Óscar (2) e Joaquín.
Bm. City Pub Viveiro (3+11) 14: Daniel, Trasancos (5), Nicolás (2), Rafael (1), David, Diego (5) e Rubén (1) – equipo inicial – Dimas (p.s.), Alejandro, Bruno e Michael.
Árbitros: José María García e Iván Meijide. Ben.

Incidencias: Encontro correspondente á 10ª Xornada do Campionato Territorial Norte Xuvenil Masculino disputado no Pavillón da Zona Escolar en Carballo ás 19:00 con 50 espectadores nas bancadas.

Partido sen historia o que se viu este sábado no Pavillón da Zona Escolar. O Asesoría Sueiro Xiria colleu moi pronto vantaxes amplas no marcador e ó descanso chegou con só tres goles encaixados e 19 tantos de diferencia (22-3).

Na segunda parte os locais levantaron o pé do acelerador, cousa que aproveitou ó Viveiro para maquillar o seu marcador, non así a diferencia que medrou ata os 28 goles, que é a máxima renda que consegue o equipo carballés esta tempada.

O Asesoria Sueiro Xiria segue de líder con dezasete puntos seguido do OAR con trece e dous partidos menos. A vindeira fin de semana o Xiria descansa, e o 6 de Decembro visita ó EPAAT Oleiros.