A fin de semana deixounos dous novos encontros para os equipos infantís masculinos do Garaysa Xiria, con resultados opostos pero cheos de aprendizaxes para ambos conxuntos.
O sábado, no pavillón Vila de Noia, o Garaysa Xiria A protagonizou un partido moi igualado ante o Eumesa, que se resolveu cun axustado 30-29 a favor dos locáis. O encontro estivo marcado pola intensidade e alternancia no marcador, pero nas accións finais o equipo carballés amosou unha gran firmeza defensiva. As últimas defensas foron decisivas para asegurar unha vitoria traballada e celebrada pola afección.
O domingo, o turno foi para o Garaysa Xiria B, que visitou a pista de Ribeira. Nesta ocasión, o equipo non tivo o seu mellor día en ataque, e os erros de lanzamento e a falta de acerto ofensivo acabaron condicionando o resultado final (21-18). A pesares do esforzo, o conxunto carballés non puido sacar un marcador positivo, pero segue a sumar experiencia e a mellorar xornada a xornada.
Dúas citas que amosan o esforzo, compromiso e espírito competitivo dos rapaces do Garaysa Xiria, que continúan medrando tanto en xogo como en madurez deportiva.
A vindeira semana o Garaysa Xiria A viaxará ata Viveiro e o Garaysa Xiria B recibirá en Carballo ao Atlántico na 3ª xornada da Liga Prata infantil masculina.
