INFANTIL DIVISIÓN DE HONRA
Cisne Balonmán 31 (15+16): Victor, Adrián (2), Diego, Roque (8), David (6), Gonzalo (3), Daniel (2), Manuel (5), Ricardo (4), Álvaro, Juan, Iván, Sergio (1) e Mateo.
Garaysa Xiria 27 (11+16): Samuel, Fran (4), Vila (6), Ronaldo (1), Andy (3), Antón (4), Roi (2), Cristopher, Brais (1), Urbieta (2) e Pombo.
O Xiria viaxaba a Pontevedra para enfrontarse ao Bm. Cisne no primeiro partido da segunda volta, nun encontro que xa se presumía complicado e no que os carballeses non se amosaron soltos en ataque e terminaron cedendo os dous puntos ante un rival directo.
O partido comezaba bastante igualado, o Xiria defendía ben pero en ataque amosábase temeroso e sen ideas para superar a pechada defensa do Cisne, que pronto tomou vantaxe e colocouse por riba no marcador. Os carballeses non souberon xogar coa presión de ir por debaixo e tentaron resolver con presas, tirando de accións individuais o que se traduciu en moitos lanzamentos faiados; os 11 goles da primeira metade co potencial anotador do Xiria dan boa mostra do que foi o ataque carballés.
Na segunda metade o Xiria mellorou, comezou a correr ao contragolpe e co paso dos minutos foi desenrolando un xogo ofensivo máis alegre e atrevido. Sen embargo o ataque do Cisne, comandado polo central e o lateral esquerdo, superaba con relativa facilidade a defensa do Garaysa impedíndolles así achegarse no marcador.
Nos últimos minutos os carballeses cambiaron á defensa individual e lograron roubar varios balóns seguidos que por un momento fixeron pensar na remontada, pero o Cisne non faiou nos ataques seguintes e despexou toda dúbida. Xa apenas había tempo para nada máis e o encontro remataba 31-27.
