O primeiro desprazamento do ano para as nosas xuvenís remata con derrota diante dun dos rivais máis fortes da categoría.
O HVU comezou a segunda volta diante do Calfrima Carballal nun encontro onde as locais foron superiores durante todo o encontro. A atípica febleza defensiva carballesa na primeira metade disparaba as locais no marcador ata o os dezanove tantos. Na faceta ofensiva, as nosas atopaban solucións claras dende os 6m, pero o pouco tino de cara a porta deixaba o marcador parcial ó descanso en 19-13.
Á volta de vestiarios a intensidade defensiva aumentou nas dúas áreas e a calidade individual olívica decantaba sempre a balanza do lado local nos duelos individuais. Os intentos das nosas por diminuir a distancia foron en balde e encontro rematou xustamente 33-24.
Tras esta visita a unha das pistas máis difíciles da categoría as nosas reciben este sábado en Carballo ó Serfis Balonmán Cañiza.