O Infantil A vence a Culleredo na casa para manter a racha na Liga Ouro e seguir na segunda praza xunto a Cisne.

GARAYSA XIRIA A 44 – 34 BM CULLEREDO OPTICA GALLAECIA

O  Balonmán Xiria marcou o tempo do partido xa dende o comezo do encontro. A defensa 3:3 do Culleredo non podía frenar con facilidade os ataques dun conxunto verde con superioridade física. Axiña os locais se impulsaban no marcador (7-3, minuto 5), permitindo manter a calma ante a defensa presionante so conxunto vermello.

A defensa 5:1 deu problemas nos primeiros compases os de Culleredo, pero a participación de xogadores con moita mobilidade permitiu atopar ocos nas filas do Xiria, chegando ó intermedio (26-19).

Na segunda metade o partido volveu tornar rápidamente a prol dos locais, que roubaban numerosos balóns, permitindo contraataques sinxelos. Un tempo morto dos visitantes deu novas ideas en ataque para manter a diferenza no marcador ata o final (44-34) nun encontro marcado pola faceta ofensiva.

Para a seguinte xornada o Garaysa A agarda na casa a un Lalín que ven de lograr dous puntos ante o colista.