A defensa 3:3 moi profunda do Garaysa Xiria B no partido do sábado ante OAR resultou extremadamente efectiva, evitando que os visitantes atoparan a liña de seis metros durante a meirande parte da primeira metade. A superioridade física dos coruñeses nas zonas laterais xogou un papel importante nos desmarques con e sen balón dos defensores máis profundos do Xiria, pero as axudas abaixo compensaron as carencias, logrando un resultado cómodo nos primeiros vintecinco minutos (13-7).
Na segunda metade e con marcador en contra, os coruñeses optaron por aumentar a profundidade da súa 3:3, de forma moi similar o que encontraron no campo carballés. Mantiveron a distanza no electrónico durante boa parte do segundo tempo, pero finalmente o Xiria deu o empurrón final para chegar o (28-19) final, que aporta dous novos puntos para seguir á cabeza da clasificación xunto a Abegondo, contando os seus encontros por vitorias.
Esta semana o Garaysa B viaxa o polideportivo A Casqueira para enfrontarse a un Pontedeume en horas baixas que precisa puntuar e xoga co factor cancha.
