INFANTIL DIVISIÓN DE HONRA
Garaysa Xiria – 45 (18+27): Samuel, Fran (4), Antón (5), Andrés (12), Ronaldo (3), Andy (9), Roi (1), Brais (5), Urbieta (3), Cristopher (1) e Sergio (2).
Las 5 Jotas Lavadores – 23 (9+14): Iván, Sergio, Cristian (7), Manuel (3), Pedro, Juan, Luis, Adrián (5), Javier R. (5), Hugo, Javier L. (1), Tomás (2) e Andre.
O Garaysa Xiria afrontaba un partido que a priori se supoñía sinxelo, contra o Lavadores, que chegaba a Carballo con dúas vitorias.
O encontro cumpriu o guión no electrónico e o Xiria non tardou en colocarse por diante impoñendo a súa superioridade física. Sen embargo non puidemos ver nesta ocasión a mellor versión destes infantís. Quizás a falta de ritmo competitivo, o último partido de liga foi fai tres semanas, ou quizás por excesiva relaxación, o equipo estivo moi impreciso en defensa, faltos de intensidade e de atención. Tampouco na portería Samuel estivo atinado e todo isto permitiu encaixar 23 goles, demasiados para o perigo real que supuña o ataque dos de Vigo.
Sen embargo o equipo foi mellorando en actitude co paso dos minutos e terminouse vendo un xogo máis intenso que no comezo, con boas accións de contragolpe que terminaron colocando un avultado 45-23.
