Os cadetes do Xiria recibiron na mañán do domingo a un Abegondo que chegaba como terceiro clasificado para ofrecer un partido intenso que non defraudou a ninguén.
HIERROS VARELA URBIETA XIRIA 41 – 34 BM ABEGONDO OPEMAT
https://www.youtube.com/live/8oW8n539BV4
Xa dende o pitido inicial os visitantes amosaron un bo xogo colectivo e alta velocidade nas súas accións, plantexando problemas a unha defensa carballesa que lle costaba manter o ritmo e desplazamentos. Pola contra, o Xiria respondía a cada acción dos rivais con contraataque ou contragol, resolvendo con contundencia e imprimindo un ritmo frenético no encontro. O Hierros Varela continuaba con accións claras en ataque para acadar unha crecente vantaxe, que medraba ata a chegada do interludio (19-14).
Na segunda metade os locais non tiveron un bo inicio, marcado polas perdas non forzadas de balón. O Abegondo non tardou moito en recortar a vantaxe ata os dous tantos grazas a numerosos contraataques en primeira oleada, forzando a un tempo morto no banco local e a realización de trocos nas filas verdes.
Unha vez máis, o Xiria estabilizou o seu xogo e volveu a boa senda, malia que a defensa non foi quen de parar todas as tentativas de un rival con peso. O intercambio de goles favorecía ós locais, que ampliaron a súa vantaxe, especialmente nos derradeiros minutos, para chegar a un cómodo final (41-34) e poñer cinco puntos de diferencia entre ambos conxuntos.
Agora a semana de descanso de competicións da un respiro a un equipo cadete que se prepara con seriedade para o duelo pola primeira praza ante o Línea21 A, que conta os seus partidos por vitorias da misma maneira que o Xiria. Aínda que resta toda a segunda volta, o seguinte partido xoga un papel fundamental no resultado da competición.
Árbitro: André Pena Muíños
