O balonmán base volve brillar en Carballo! Temos o pracer de anunciar as datas oficiais para o Carballo Handball Festival 2026: 13 e 14 de xuño.
Esta edición será moi especial, xa que cumprimos 10 anos consolidando un proxecto que cada ano reúne a centenares de nenos e nenas nunha contorna segura e organizada, pensada exclusivamente para o goce do deporte formativo.
📝 Inscricións
O prazo para inscribir ao teu equipo xa está aberto. Non perdas a oportunidade de formar parte da nosa 10ª edición!
- Data límite: Ata o 11 de abril.
- Ligazón de inscrición: https://events.teempad.app/enroll/chf-26
📅 Datas e Categorías
O torneo celebrarase o 13 e 14 de xuño de 2026. Unha fin de semana intensiva de balonmán destinada ás categorías:
- Benxamín
- Alevín
🤾♂️ Máis que un torneo: Unha experiencia integral
No Carballo Handball Festival non organizamos só partidos; organizamos experiencias. O noso enfoque é formativo e lúdico, priorizando a convivencia e a aprendizaxe por enriba da clasificación final. Queremos que cada xogador e xogadora leve un recordo inesquecible da súa estancia en Carballo.
Tes algunha dúbida? Se precisas máis información sobre as inscricións ou detalles do torneo, podes contactar con nós no teléfono:📞 609 56 09 55
Reservade xa a data no voso calendario. En xuño, Carballo é Balonmán!
