1ª Nacional masculina:

O sábado 10 de outubro; ás 20:00, o Vila de Noia ten unha cita co balonmán. O Calvo Xiria que estreou a tempada con vitoria a domicilio; espera impaciente o debut diante da súa afección; que nesta situación, terá o aforo limitado a 180 prazas.

A humidade impediu que as sesións semanais, transcorresen con normalidade. Aínda así, o equipo, segue evolucionando no seu xogo e quere desenvolver a súa identidade a nivel competitivo.

O seu rival, o Magope Seis do Nadal de Vigo, mantén gran parte do bloque da tempada pasada agás un par de xogadores. É un equipo loitador que prepara ben os partidos. Ten un persoal novo; liderado en ataque polo seu central Guillermo Rial.

O Calvo Xiria, conta coa dúbida ata o último momento do meta, Iago Gómez; o resto do persoal estará dispoñible. Unha das claves do encontro, será mellorar no ataque posicional, diante das variantes defensivas dos visitantes. Seguro veremos un ritmo alto de partido, e de bo balonmán, coas habituais imprecisións de principio de tempada con dous equipos que se están axustando a medida que pasan as xornadas.