O encontro entre Campicarn-Martinpex Bm Porriño e o Calvo Xiria prometía ser un duelo apaixonante, con ambos os equipos loitando por mellorar a súa posición na clasificación do campionato Estatal de primeira división, no grupo A. Cunha xornada crucial en xogo; os afeccionados esperaban ver un espectáculo cheo de intensidade e estratexia.
O resultado final de 30 a 30; é un punto importante, para o Calvo Xiria que puido conseguir algo máis diante dun rival complicado.
Os carballeses empezaron encaixando un parcial de 3-0 e con moitas dificultades para xerar ocasións en ataque posicional; pero un 1×1 de David García daba superioridade ao Calvo Xiria, e poñía as táboas rapidamente no marcador.
Os dous equipos seguían con continuas alternancias no resutaldo. Porriño quixo romper o partido xogando 7×6, os últimos 10 minutos de primeira metade, e ao descanso chegabase con 13 a 12.
A segunda metade, proseguía polos mesmo parámetros; ningún equipo lograba distanciarse; a pesar de xogar claramente con tácticas diferentes; a igualdade existente neste partido chegaba aos últimos 15 minutos. O Calvo Xiria quedaba cun home menos; e o Porriño sacou 3 goles de vantaxe. Era un momento crítico; pero o equipo sacou o carácter que se lle demandaba nos momentos clave dos partidos.
Todos remando na mesma dirección; conseguiron chegar aos últimos 4 minutos con empate a 28. Despois dunha serie de goles entre ambos o partidos finalizou en táboas (30-30).
Descanso de Nadal para todos os equipos que xogarán a última xornada da primeira volta a fin de semana do 11/12 xaneiro. Nun mes cargado de emoción.
