A xornada 1 de primeira nacional deparábanos emoción por milleiros, e é que parece que vai ser a tónica da tempada. Un empate que se da por bo tras o visto no encontro.

O Calvo Xiria, saía enchufado ao partido, e poñía dous goles de vantaxe nos primeiros 5 minutos. Pero o Teucro baixo a dirección de Gonçalo Areias e o seu entendemento con Caue Herrera desde o pivote deron a volta ao marcador.

Transcorría a primeira parte cun forte ritmo de xogo, e as rotacións non tardaron en ningún dos dous equipos. Diego Antelo desde o central dirixía as operacións do Calvo Xiria, pero nos peores momentos da primeira metade e co Teucro 2 arriba, a defensa sacou aos seus da lameira para chegar con empate ao descanso (14 – 14).

A segunda metade, parecía un calco do que viramos antes. O Calvo Xiria realizou uns axustes ofensivos que lle permitiron poñerse por diante, pero a dureza do 6:0 local, volvía xerar problemas. Foi entón onde o Xiria atopou a Diego Gago no pivote e David García puido explotar as súas dotes de lanzador para manter no partido aos seus. Pablo Veiga pasou a dirixir ao Calvo Xiria en ataque; para atopar novas solucións e en defensa a pesar do esforzo non lograban a regularidade que querían; mérito do Teucro que por algo é un dos aspirantes esta tempada.

O Calvo Xiria chegaba aos minutos finais un gol por baixo, pero a inspiración de Gabriel Castiñeiras no 1×1 daba vantaxe numérica. Presión a toda a pista; Jorge Bouzas rouba o balón e o propio Gabriel marca o empate final, tras asistencia de David que estaba a ser presionado. Teucro terían un ataque con 9 segundos pero o Xiria defendeu ben a superiordade, e así repartirse os puntos en xogo.

A semana que vén o Vila de Noia, estrea a competición ligueira, o sábado ás 20:00 contra o Disiclin Balonman Lalín.

Lirón Teucro 80 aniversario 27 – Calvo Xiria 27

Lirón Teucro 80 aniversario (14+13): Francisco Javier Santana (p), Anxo Fraga (p), Miguel Jimenez (p), Anxo Barco, Roi González (4), Andrés Pérez (2), Miguel Monteagudo (3), Brais Cerviño (1), Martín González, Caue Herrera (6), Ricardo Antón González (1), Rhuan Marchette (1), Gonçalo Areias (8), Daniel Pintus (1), Sergio Cortizo.

Calvo Xiria (14+13): Antonio Mato (p), Darío Calviño (p), Aarón Rodríguez, Gabriel Castiñeiras (4), David García (7), Pablo Veiga (2), Julián García (2), Senén Garea (1), Diego Gago (3), Daniel Periscal (2), Diego Antelo (3), Jorge Bouzas (1), Mario Garcia de Searez (1), Carlos Varela, Mario Cancela, Edu Cousillas (2).

Árbitros: César Díaz e Carlos Manuel Alonso

Marcador cada 5 minutos: 2-4, 6-6, 9-7, 11-9, 13-12, 14-14 (descanso), 15-16, 18-18, 21-19, 23-22, 25-23, 27-27 (final).

Incidencias: Partido correspondente a 1ª xornada do Grupo A da Primeira Nacional, disputado no pavillón mpal De Deportes (Pontevedra).