O Calvo Xiria perde no estreo en liga

O noso senior feminino desprazábase ata Vigo para xogar co filial do Lavadores no inicio da competición. O encontro non se presaxiaba para nada sinxelo, cun rival moi reforzado e con xogadoras que alternar co equipo de División de Honra Prata.

Tras uns primeiros compases de tanteo entre ambos conxuntos, non houbo un claro dominador do xogo na primeira metade. Os erros eran a tónica xeral nun encontro que semellaba se ía decidir ó final. Cun vitoria ó descanso por só un gol para as nosas, todo quedaba aberto na segunda metade.

Á volta de vestiarios, o Xiria non era capaz de dar coa tecla para bater á porteira local, Antía Estevez, que foi a gran protagonista do encontro. As nosas atopaban en Tamara a mellor baza no ataque, pero a inseguridade defensiva visitante nas accións de un contra un acabou decidindo o encontro.

Os primeiros dous puntos da tempada quedaron en Vigo, pero as nosas volven ter outro reto este domingo ás 12:15 no Vila de Noia ante o Balonmán Chapela que obxectivo de estrear o casilleiro e recuperar a senda do triunfo.