Segundo triunfo do senior feminino trala bo partido do pasado domingo diante do Mantido Sl. Construcciones Balonmán Xallas.

Cunha boa entrada no Pavillón da Fontenla, as carballesas saíron ó campo moi conciencidas e nos dez primeiros minutos xa acadaran unha renda de seis goles (1-7). O resto da primeira metade sería moito máis igualado. As paradas da local Bineta e as combinacións coa pivote en ataque semellaban acercar ó conxunto de Santa Comba. Mais un bo remate da primeira metade con gol final de Marta na última acción deixaba o marcador en 13-18.

Á volta dos vestiarios a balanza decantouse polas carballesas que pronto acadaron a renda de dez goles grazas a boa actuación da primeira liña e das rápidas transicións de Lara e Duna. Os intentos das locais non foron dabondo para superar a un Xiria moi serio, onde tódalas xogadoras poideron rotar sen baixar a intensidade.

Resultado final 23-38 que acerca ó Calvo Xiria os postos de arriba e que volverá á competición dentro de quince días en Carballo ante o Coretti Lalín.