O cansancio da segunda parte fai a un Salceda coa victoria

Este fin de semana ás 10:30 horas tivo lugar no Vila de Noia a segunda xornada da liga DH Infantil Feminino, onde se enfrontou o Punta del Este Xiria contra o E.D.M Salceda de Caselas.

O partido presentouse cunha lixeira vantaxe para as de Salceda e así se viu no partido, aínda que as carballesas deron todo de si ata o último minuto.

Na primeira parte, as carballesas tentaron fixar o seu defensa, nun principio saíron bastante fortes e concentradas, aínda que o pouco basculamiento e axudas defensivas facían que as visitantes chegasen ata 6 m comodamente.
As carballesas tentaban compensar estes erros defensivos movendo o balón e atopando espazos libres nos exteriores como detrás da defensora avanzada.

Loitando para permanecer no partido, íase ao descanso cun marcador 12-14 para as visitantes.

O comezo da segunda parte foi bastante malo para as locais. O cansancio e a fatiga estaba a pasarlles factura polo que as visitantes aproveitárono chegando a finalizar os ataques con facilidade. No ataque as do Punta del Este Xiria mantíñanse bastante paradas e con pouca circulación de balón o que lles facilitaba ás do Salceda ter un bo equilibrio defensivo.

Ao final do encontro terminou cun marcador 20-27 para as visitantes. Un bo resultado a pesar da derrota xa que o Punta del Este Xiria é novel nesta categoría, co tempo estes resultados mellorarán.

O vindeiro sábado día 6 o Punta del Este Xiria viaxará a Lalín para enfrontarse ao Coreti Lalín. O encontro terá lugar no Lalín Area ás 10:00 horas.