Balonmán Cangas 17 Goldie Xiria 21 (8-4)
Nunha magnífica segunda metade o Goldie remontou o encontro e fíxose coa vitoria diante do Balonmán Cangas.
Comezou o Xiria con unha moi boa defensa, sabedoras as xogadoras do perigo que entrañaban as altas pivotes rivais, anticipándose a xogadas e con contundencia nas saídas, no deixando ao seu rival elaborar o xogo. Pero faltáballe ritmo e definición ao equipo no ataque, o que facía que as do Morrazo dominasen esta primeira metade.
A volta do vestiario, o Goldie foi un furacán, seguía a impoñerse as súas rivais en defensa, e xogaba con moito criterio en ataque, desbordando a defensa local, que se vía impotente ante as investidas das xogadoras carballesas. Jessica Posse e Juana Garrochena como habitualmente levaban o peso do equipo, pero no momento que o contrario votou a dúas defensoras sobre elas, apareceron Raquel Gómez e Zeltía Landeira para rematar o encontro e impoñerse ao balonmán Cangas. Destacar o partidazo de todas as compoñentes, pero resalta a labor de Lucía Vilariño que volvía a portería ante as ausencias de Aida Cangas e Brenda Noya. Tamén estiveron ausentes Adriana Gómez, Marta Regueira, Cris Gende e Sara Pombo.
Balonmán Cangas 17 (8): Lorena (porteira) Nerea 1, Yoli 1, Raquel, Noemi 4, Rebeca, Marta 4, Eva, Lucía, Arancha, Mateos, Andrea 7, María
Goldie Xiria 21 (4): Lucía Vilariño (porteira) Jessica Posse 5, María Gómez 2, Zeltia Landeira 5, Natalia Solis, Tamara Pombo, Patricia García, Juana Garrochena 5, Raquel Gómez 4, Angela Pena e Sheila Ferreiro.
Marcador cada 5 min .: /1-0/ /3-0/ /5-1/ /7-2/ /8-3/ /8-4/ /8-6/ /10-8/ /10-11/ /12-13/ /14-17/ /17-21/
Arbitraron: María Alvarez Vázquez e Victor Rivera, excluíron a Juana Garrochena (2) e Zeltia Landeira polo Xiria e a Andrea polo Cangas