O Goldie mostrouse seguro na parcela defensiva, para anotarse os dous puntos na súa marcadora. O estado físico das xogadoras foi fundamental para aguantar o ritmo durante os 60 minutos.
A primeira parte comezaba con algunhas dúbidas para o Goldie Xiria no 5:1. Pero unha vez axustada o labor do avanzado e os exteriores, sumada á colaboración coa portería; o marcador ía tomando forma ao seu favor e conseguían poñerse 12 a 9. As visitantes paraban o partido da man de Budi e o Goldie arrefriábase cun parcial en contra de 0-4; que lle deixaba ao descanso un gol por baixo.
Na continuación, e a través da defensa, clave en todos os partidos do Goldie Xiria ata o momento, as xogadoras organizaban rápidos contragolpes que as situaba de novo por diante.
As do Coreti Lalín, trataban de novo de axustarse, pero a defensa carballesa seguía empregándose a fondo e os escasos erros liquidábaos Nadia á perfección, para establecer a máxima diferenza de 6 goles.
O Lalín tentaríao ata o final, pero o Goldie ben organizado no balance defensivo, facíase cunha vitoria de suma importancia para a clasificación.
A semana que vén poderemos ver ao Goldie Xiria de novo en Carballo. Será o domingo pola mañá no Vila de Noia ás 12:15, contra S.A. R. Ledisson, de Redondela, equipo con ampla bagaxe no balonmán feminino, en todas as súas categorías.