Ben se deron as cousas na mañá do sábado para o Grupo Lemaco A que recibiu na casa ó At. Guardés.

As verdes mostráronse moi sólidas, xa recuperadas da derrota sufrida a semana pasada na Bombonera de Redondela e foron quen de resolver un encontro complicado ante un equipo pontevedrés moi batallador que non deu seu brazo a torcer ata o final. 

A defensa 5-1 das visitantes non foi eficaz ante a movilidade da primeira liña carballesa que no primeiro tempo lograba situacións de penetración con comodidade. Só a falta de puntería nalgúns intres fixo que o partido non se rompera na primeira metade.

O segundo tempo seguiu na misma tónica, probando alternativas diferentes as do Guardés, pero ben definidas polas verdes, que a falta do encontro do líder en Meaño, recuperan a primeira posición antes de visitar esta vindeira semana a pista do Bm, Carballal en Vigo