O Grupo Lemaco gaña ao Culleredo na Liga

4ª xornada da Liga Ouro Cadete Masculino

Grupo Lemaco Xiria A 31 Balonmán Culleredo 25 (16-11)

Cuarta xornada e cuarta vitoria para o Grupo Lemaco que segue con paso firme na disputa da Liga Ouro.
Desta vez, achegouse a Carballo un Balonmán Culleredo reforzado con algúns ex-xogadores do Balonmán Atlántico e que mellorou en potencial e plantilla.
Era coñecedor o Grupo Lemaco de que non podía ceder en ningunha faceta, sobre todo na defensiva, onde estivo compacto e foi quen de desarmar ao seu rival. Sufriu nos primeiros lances do encontro o equipo carballés pois negábase o gol ao desperdiciar numerosas e claras ocasións o que permitía un partido igualado. Foi acertando no lanzamento e no descanso dominaba o Xiria 16 a 11.
Quixo pechar o encontro o Grupo Lemaco no arranque na segunda metade e caeu na precipitación, dando posibilidade de igualar ao Culleredo, pero novamente inciso na defensa e acertado no ataque o equipo acadou a súa cuarta vitoria.

Grupo Lemaco Xiria A 31 (16): Antón Pardiñas (porteiro), Xurxo Fraga 4, Marcos Amarelle 1, Manu Rey 4, Hugo García 7, Angel Villar, Miguel Cambón, Manu Pérez 4, Pablo Veiga 6, Pablo Suárez 3, Chema Negreira, Henrique Traba 2 e Diego Mourelle.

Balonmán Culleredo 25 (11): Marco González, Lucas Sánchez, Aaron Blanco, Marcos Regueiro 1, José Martínez 1, Ivan Sánchez 2, Adrián Veira 5, Teo Calvo 1, Samuel Seijas 6, Daniel González 3, David Martínez 2, Anxo Negreira 1 e Alejo Martínez 3

Arbitrraron:
Pablo Barreiro e Iria Rivera