O Grupo Lemaco Xiria xogada o pasado Sábado un novo derbi, este, pertencente á terceira xornada da Copa Federación e fronte ao BM.Artabro. Os de Carballo, que non coñecen a derrota nesta competición, impuxéronse ao seu rival nun segundo tempo no que se mostraron moi superiores.
De calquera forma, os locais comezaron o partido moi pouco intensos e metidos no mesmo, mostrandose excesivamente estáticos e indolentes en todas as facetas do xogo e sufrindo as arremetidas do seu rival. Os erros sucedíanse e o xogo colectivo non aparecía, tan só algunhas accións individuais mantiñan aos verdinegros no encontro, sempre a remolque nos primeiros trinta minutos. O 18-19 que reflectía o electrónico no tempo de descanso, esixía un cambio total na continuación si os de Xiria desexaban quedar cos dous puntos en xogo.
Pouco cambiaron as cousas no inicio do segundo tempo. As defensas continuaban ausentes, igual que ao longo de todo o envite e o xogo convertíuse nun ida e volta na maior parte do mesmo, de aí o avultado do resultado final (42-32).
O Grupo Lemaco non sería capaz de poñer as táboas no marcador até o meridiano do segundo acto (28-28), pero a partir de aquí as súas prestacións defensivas subirían moitos enteiros, conseguindo a interceptación de balóns e provocando erros no ataque rival, que lles levaría a matar o partido ao contraataque. Deste xeito e cun contundente 14-4 de parcial no últimos quince minutos, o Grupo Lemaco Xiria conseguiría imporse por ese 42-32 final que lles mantén invictos nesta competición. Para a semana que vén, a Copa Federación fará un alto no camiño, debido á celebración da fase do campionato de España xuvenil, fase que no seu grupo A, disputarase en Carballo co Laber Xiria como representante da nosa entidade. A competición autonómica non se renovará até dentro de dous fins de semana coa visita dos cadetes do Grupo Lemaco a difícil pista do Seis Do Nadal en Vigo.
Grupo Lemaco Xiria: 42 (18+24). Antonio Mato, Carlos Vilanova (16), Antón Traba (5), Ronaldo Durán, Andy Rey (3), Juan Carlos Rodríguez (12), Fran Rey (5)-Equipo Inicial-Mario Lema, Samuel Castiñeiras, Manuel Souto, Manuel Sánchez (1), Daniel Esmorís.
BM.Artabro: 42 (19+23). Javi, Eloi (4), Iago (9), Pablo, Domingo, Jorge (3), Miguel (7)-Equipo Inicial-Jaime, Eiriksson (5), Jacobo, Oscar (2), Pablo, Martínez, Gabriel (1), Osmar, Hugo (1).
Árbitros: Cesar Carballo e Pablo González. Excluiron con dous minutos a Carlos Vilanova, Fran Rey (2), Antón Traba, Ronaldo Durán e Juanca Rodríguez polos locais e a Eiriksson polos visitantes.
Resultado cada 5´: 3-5, 7-7, 9-11, 12-12, 16-15, 18-19-Descanso-21-23, 25-26, 28-28, 34-30, 38-31, 42-32.
Incidencias:Partido da xornada nº 3 da Copa Federación en categoría Cadete, disputado no Vila De Noia ante a presenza de cincoenta seguidores de ambos os dous conxuntos.
Clasificación:
