O Hierros Varela Urbieta viuse superado o pasado sábado en Lalín polo Coreti na División De Honra cadete feminina.
Empezaron mal as carballesas, que encaixaban rapidamente un 3-0 de parcial no primeiro minuto de partido debido ás tres perdidas de balón consecutivas, obrigando ao seu adestrador para solicitar o primeiro tempo morto. Na volta ao 40×20, as cousas non cambiaron e as locais ampliarían a diferenza a un 5-0 preocupante. Pero foi entón cando as bergantiñás foron entrando aos poucos no ritmo adecuado e, máis centradas na faena, acumularon uns minutos onde os erros desapareceron e a defensa funcionaba a un bo nivel. A situación igualábase e as bergantiñás devolvían o parcial para establecer o primeiro empate no marcador (6-6) en apenas cinco minutos. A partir deste intre sucederíanse as alternativas no electrónico, pero con diferenzas mínimas. Ao descanso, o 15-13 deixaba todo aberto cara á segunda parte.
Na continuación, o encontro comezou polo mesmos leitos de igualdade nos que finalizara o primeiro acto, pero a medida que pasaban os minutos, o conxunto de Carballo iríase diluíndo e as perdas de balón continuas, que farían de novo acto de presenza, acabarían sendo un lastre que impediría resistir #ante o equipo @dezano. A medida que pasaban os minutos, a diferenza iría aumentando en favor do Coreti Lalín que terminaría sumando os dous puntos en xogo con comodidade.
Coreti Lalín: 31 (15+16). Carlota, Antía González, Mencía (4), Aroa (8), Antía Rodríguez, María (1), Amalia (1), Claudia Mein, Claudia Sesar (2), Iria (5), Nuria (5), Micaela (5).
Hierros Varela Urbieta: 22 (13+9). Lucía Lema (p), Elena Collazo (p), María Patiño (1), Nerea Varela (4), Nina Pereira (1), Stefanía Landri, Lucía España (2), Anna Mª Hernández (2), Natalia Cancela (1), Lara Otero (4), Uxía Suárez, Marta Gómez (6), Leticia Santos (1).
Parciais 5´: 2-5 / 4-9 / 8-10 / 9-13 / 10-18 /10-22 / Descanso / 11-26 / 12-29 / 14-32 / 15-24 / 16-39 / 20-43 Final.
Colexiada: Cristina Olleros. Non influíu no resultado final.
Incidencias: Encontro correspondente a 15ª xornada da 2ª volta na categoría DH Cadete Feminina disputado no Lalín Arena o pasado sábado. Cerca de cincoenta persoas que puideron ver o bo partido das rapazas do Hierros Varela Urbieta ante o Coreti Lalín.