O Hierros Varela Urbieta viaxaba a Tui a sabendas de que ía ser un partido complicado pois o equipo local é un dos claros aspirantes ó título e recortar a diferenza de puntos coas carballesas era importante para elas.

O partido comezou cun sólido Bm. Tui que conseguía claras ocasións de gol desde os 6 metros debido á falta de intensidade na defensa carballesa. As numerosas pérdidas de balón das visitantes impedían acercarse no marcador.

A primeira metade tivo un claro dominio tudense e o Xiria non conseguía entrar no partido. Chegouse ó descanso cun 13-10 no marcador que mantiña vivas as súas esperanzas.

Os primeiros minutos da segunda metade continuaron co visto na anterior parte. Nos últimos 12 minutos de partido as do Xiria intentan a remontada cunha defensa 3:3 presionante que lle permite a recuperación de numerosos balóns pero o cansancio e a falta de concentración impiden convertilos en goles.

Durante a vindeira semana o Hierros Varela Urbieta deberá traballar duro para recuperarse desta primeira derrota e das malas sensacións para enfrontarse na seguinte xornada ó Arteixo Maruxía Asesores en Carballo.

TUI: Noelia Deza González, Salma Eljabraqui Tezraoui (8), María Rendo Pino, Iara Andrea Penabad Medina, Lucía Trencoso Estévez (4), Alexandra Lemos Casillas (2), Aida Lorenzo Rodríguez (5), Carolina Loureiro Guerrero (3), Alba de Marcos Méndez (1), Inés Martínez Iglesias, Uxía Rodríguez Antelo, Uxía Valcárcel Burgo.

HIERROS VARELA URBIETA XIRIA: Valeria Figueroa Santos, Nerea Varela Vila (5), Nina Pereira Abelenda (1), Lucía España Moreira, Marta Gómez Agra (2), Uxía Suárez Fernández, Alba García López (5), Anna María Hernández Padro (2), Ana Pombo Doldán, Lara Otero Suárez (5).