Tralas dúas vitorias  da semana pasada, as nosas xuvenís non pudieron sumar outros dous puntos ante un rival directo na loita pola sexta praza.

O encontro tivo dúas partes claramente diferenciadas. Na primeira os nervos apoderáronse de ambos conxuntos e as imprecisións nos ataques eran a tónica xeral. O Xiria parecía estar máis asentado en defensa o lograba unha vantaxe de tres goles (8-11) ó descanso.

Na segunda metade a SAR saiu con moita máis forza e conseguía igualar o encontro rapidamente malia a boa actuación de Lucía e María Porteiro en portería. Cinco minutos cheos de erros no ataque carballés permitían as locais explotar o contraataque ata acadar unha renda de catro goles a falta de dez minutos para o desenlace. Unha moi inspirada Nerea Varela Balsa (cadete de primeiro ano) mantiña o Xiria con vida empatando o encontro no último minuto. Unha acción final con fortuna local acabou en sete metros e os dous puntos quedaron na casa.

Esta semana o HVU Xiria xoga outros dous encontros ante rivais fortes como son o Calfrima Carballal e Vitaldent Bm Cangas onde as nosas queren seguir coa liña ascendente desta tempada.