ASMUBAL MEAÑO 2 – 32 XIRIA 

Primeiro partido da Fase de Clasificación (Grupo B) para o equipo Infatil Feminino do Xiria. Desplazábanse ata o pabellón de Meaño o domingo ás 10:00h para xogar o primeiro partido da tempada 24/25 con moitas ganas e nervios. As infantís souberon impoñer o seu bo ritmo de xogo dende o primeiro minuto, o que as levaba cunha vantaxe de 28 goles ao descanso, 2-30.

Comezaba a segunda parte coa mesma intensidade en ataque por parte do Xiria, pero comezaban a aparecer erros na defensa debido á relaxación das xogadoras. Finalmente o marcador reflexaba un 2-32 a favor das de Carballo, que volvían con 2 importantes puntos nesta primeira xornada da Fase de Clasificación.