Na terceira xornada da Liga Prata cadete masculina, o Montaxes Carballo Xiria Branco logrou unha clara e contundente vitoria fronte ao Atlántico, cun marcador final de 54-33 no pavillón Vila de Noia de Carballo.
O equipo local entrou ao partido con gran intensidade defensiva, dominando dende o inicio e impedindo que o rival atopase fluidez no seu xogo. Esa solidez atrás permitiu recuperar balóns e correr ao contraataque con eficacia.
Co paso dos minutos, o alto nivel ofensivo do Xiria Branco fixo a diferenza. A efectividade nos lanzamentos e a boa circulación de balón en ataque fixeron que o conxunto carballés abrira fenda no marcador e controlara o encontro con autoridade.
Na segunda metade, o Atlántico intentou reaccionar, pero o Xiria Branco mantivo o ritmo e a concentración, certificando unha vitoria brillante e colectiva que reflicte o gran momento de forma do equipo. O Montaxes Carballo Xiria Branco continúa así coa súa boa traxectoria nesta Liga Prata cadete, deixando boas sensacións a nivel colectivo.
A vindeira semana haberá parón e o Montaxes Carballo Xiria volverá a competir a fin de semana do 8 de novembro.
