O Nordata Xiria acadou un posto na Liga Ouro despois de rematar segundas nun Play Off moi igualado con resultados moi disputados en todos os seus encontros.

O primeiro partido disputárono ante o Coreti Lalín, que despois se proclamou campeón do sector, nun encontro onde a igualdade no marcador non se quebrou en ningún momento. As dezanas mostráronse máis solventes nos momentos complicados e o esforzo das carballesas non tería premio nesa data(26-27).

Na segunda xornada, as verdes enfrentaban o Bm. Cañiza, que viñan de imporse con solvencia ante o Galicia Social, e que facían este encontro decisivo para a posible clasificación das nosas. Outra batalla a que libraron as carballesas que na derradeira parte do encontro foron quen de abrir brecha, e sumar dous puntos basados no éxito defensivo(25-21).

Xa o domingo tocaba refrendar as boas sensacións do equipo no partido final ante as viguesas do Galicia Social, que plantexaron un encontro diferente ó que perderan fai dúas semanas, e no que lle costaría adaptarse nun primeiro momento ás do Xiria. Como xa pasara ante o Bm. Cañiza, a última parte do encontro as carballesas chegaron con máis folgos e terminaron de romper un encontro(25-20) que lles supón a clasificación para a Liga Ouro 23/24