1ªEstatal
O Vila de Noia espera ansioso a estrea ligueira do Calvo Xiria, o
sábado ás 20:00 contra o Sar Plastic Omnium. Este primeiro partido
preséntase coa ilusión por unha nova tempada, a continuidade do
proxecto por parte do Calvo Xiria, nunha liga que creceu debido aos
reforzos dos equipos da zona media, o descenso do SD Teucro que vén da división de honra prata, con varios candidatos á parte alta de
táboa, entre eles o actual campión o Disiclín Lalín, o subcampión o
Attica 21 Hoteles Oar Coruña e un favorito para facerse co primeiro
posto, o San José Obrero Lanzarote.
O Calvo Xiria, un dos equipos máis novos da categoría, quere seguir a súa posta en marcha e crecer sobre o traballo que veñen facendo ano tras ano. A implicación dos xogadores é notoria e co paso das
xornadas esperan ir recuperando efectivos que arrastran desde da
tempada pasada. A forza reside no grupo e no equipo que forman, e
para este primeiro duelo, apoiarase na alegría da súa afección que ten que encher e facer ruxir o Vila de Noia desde a primeira xornada.
1ªAutonómica Feminina
Chega o derbi na xornada 3, entre o Mantido Sl Constr Bm Xallas e o
Calvo Xiria. O pavillón a Fontela recibirá ao Calvo Xiria o domingo ás 17:30. Os dous equipos chegan nas mesmas condicións cunha vitoria e unha derrota na súa respectiva marcadora. Un partido que se espera sexa intenso e con ritmo, onde a efectividade defensiva será fundamental para calquera dos dous equipos.
2ªAutonómica Masculina
Unha das maiores alegrías para o balonmán na costa da morte é o
regreso do Bm Camariñas Conservas Boya á competición, de
maneira oficial. Despois de que Camariñas e Xiria asinasen un acordo de colaboración e este actúe como equipo filial. Por tanto, o pavillón Victor Vigo, acollerá o duelo entre o Bm Camariñas Conservas Boya e Sar; o domingo ás 18:00.
Categorías Base: Fase de Clasificación
Na mañá do sábado o Hierros Varela Urbieta Xiria desprazarase ata
o Grove, para disputar o seu encontro ante o Rasoeiro Bm, ás 10:45 no pavillón Monte dá Vila. O Laber Xiria fará o propio ata o Rosal para xogar ás 12:00 contra o Atlético Novás.
O Grupo Lemaco Xiria ten o seu segundo compromiso da tempada
ás 11:15 en Porriño. Mentres Garaysa Xiria e Punta del Este Xiria
tamén xogarán a domicilio contra o Ad Carballal, ás 12:15 e Cañiza ás 12:30.
Na mañá do domingo ás 12:00 no Vila de Noia, Tubasys Xiria xoga
como local, ante o SD Teucro Clínica Veterisaude.
STREAMING PARTIDOS COMO LOCAIS