Previa das Escolas Balonman Xiria!!!
1ª Estatal
Regresa a competición e con ela, o Calvo Xiria recibe ao Automanía Luceros o sábado ás 20:00 no pavillón Vila de Noia de Carballo. É o primeiro partido do ano e o penúltimo da primeira volta; polo que serán dous puntos importantes para ambos conxuntos; que aspiran a mellorar a clasificación actual e ser ambiciosos en cada un dos seus obxectivos particulares. O Calvo Xiria, vén traballando a bó ritmo e incrementou o persoal; coa incorporación de 5 xogadores xuvenís ao traballo diario do equipo. E é que de ritmo irá o partido desta fin de semana; o equipo que domine o ritmo de xogo, levará a iniciativa. Álex Gómez é baixa segura debido a un choque durante o adestramento, e o resto de efectivos estarán dispoñibles para afrontar este inicio de ano.
1ª Autonómica Feminina
Ás 17:30, regresará o Calvo Xiria da competición autonómica, contra o Bm Xallas. Manuel López non poderá contar con todas as xogadoras para este choque; pero espera que a forza do colectivo, de un paso á fronte. O esforzo defensivo de todas as xogadoras fundamental nunha xornada na que o máis importante é o resultado.
Categorías Base; Liga Ouro
O sábado ás 12:00, o Garaysa Xiria recibe ao Nutrendo Seis do Nadal. Polos opostos na clasificación onde o Garaysa quere os dous puntos para seguir arriba na clasificación. O domingo ás 12:00 no Ceip Fogar, o Grupo Lemaco Xiria A, enfróntase ao Bm Reconquista de Vigo A. O último enfrontamento entre estes dous equipos foi en Copa; onde o Xiria levou a vitoria, nun duelo apaixonante que incluíu prorroga; polo que ambos os equipos teñen moitas gañas de volver a competir entre eles.
Categorías Base; Liga Prata
O sábado ás 12:30, o Laber Xiria B; xogará contra o Carpintería Jar Lalín no Lalín Arena. Bo partido ante un conxunto local que parte como favorito, pero ao que queren poñerlle as cousas difíciles durante os 60 minutos. Ás 10:45 en Lugo, duelo pola primeira praza entre o Millaven Centro Jardin Cp Lucense e o Punta del Este Xiria B. Gran expectación para este partido. O domingo ás 10:15 no Ceip Fogar, o Grupo Lemaco Xiria B, enfróntase ao Telepizza Arteixo, un rival difícil de bater e que quere poñer contra as cordas a un Xiria que quere seguir progresando e sumando.
Categorías Base; Alevíns e benxamíns
En alevín 5, o Venres xogarán as alevíns de Reneymar Xiria e Insplaber Xiria.
En alevín 7, o Laber Xiria enfróntase ao Bm Culleredo en Carballo, mentres Reneymar Xiria e Garaysa Xiria, xogarán a domicilio contra Abegondo e Culleredo, respectivamente. Pola súa banda o Carpintería Gómez Xiria dobra xornada, contra o Bm Culleredo o sábado e Líneaa 21 o domingo.
En benxamín mixto, os partidos serán o domingo pola mañá en Abegondo, no pavillón San Marcos onde xogarán Maquisaba A, Maquisaba B, Telepizza e Óptica Auris Xiria.