O Calvo Xiria pecha a tempada coa Final4 de Copa Autonómica Feminina
Última xornada para o Calvo Xiria que, tras quedar 3º na competición ligueira, acaba de clasificarse para a Final4 da Copa Sponsor Autonómica Feminina. A cita terá lugar o sábado no Pavillón de Tarrío en Culleredo. A primeira semifinal da categoría feminina será ás 16:00 onde se enfrontarán o CDeC Lavadores de Vigo máis o De Pueblo Carnicería Bm. Pabellón. A quenda das carballesas serás ás 18:00 contra as actuáis campionas de liga, Asmubal Meaño. As que se clasifiquen para a final, veranse as caras o domingo ás 16:30 no mesmo pavillón. As de Manu López viaxan dispostas a competir ata o final para intentar pechar a súa mellor tempada co título de copa.
