O Garaysa Xiria ‘A’ perde ante un Luceros que foi superior durante todo o encontro.
As Casiñas Luceros 48 – Garaysa Xiria A 31
Garaysa Xiria: Andrés Gómez, Román Pérez, Gonzalo García (4), Quintín Insua, Rodrigo Rama (2), Lucas Radio (4), Brais Sánchez (3), Roi Pérez (1), Héctor Castro (4), Gael Romero (6), Sergio Pérez (7) e Marco Núñez.
Incidencias: Partido correspondente á 3ª xornada da Liga Ouro infantil masculina disputado no Pavillón O Gatañal (Cangas).
Viaxaba o Garaysa ata Cangas para enfrontarse a un dos favoritos para levarse a liga, o Luceros. O encontro comezaba con moitas imprecisións por parte dos carballeses, que non conseguían entrar no encontro ante a defensa moi presionante dos cangueses. Chegados ao ecuador, o Xiria, mediante boas accións sen balón encontraba lanzamentos claros de 6 metros, pero desta vez, o porteiro local conseguía frenar ao visitantes.
A segunda metade foi un calco da primeira, onde os de Carballo non souberon frear en ningún momento o ataque local, e sumándolle as numerosas perdas de balón e os erros de lanzamento fixeron que se chegase ao final cun amplo 48-31 a favor dos de Cangas.
A vindeira semana, o Garaysa descansará e volverá á competición o 9 de novembro fronte ao Teucro, outro dos rivales fortes da competición.