Un Laber Xiria superior acada a vitoria diante do Teucro

S.D. Teucro 21 – Laber Xiria 40 (12-20)

Voltou a senda da vitoria o Laber Xiria logo do tropezo da semana pasada co empate diante do Lavadores. A recuperación de varios xogadores para este encontro e sobre todo a seriedade co que os compoñentes do equipo se tomaron o encontro, fixeron que o Teucro non tivera ningunha posibilidade diante duns carballeses que se amosaron superiores en todas as facetas.

Apostou polo 5:1 defensivo de inicio o Xiria para dificultar o ataque rival e poder imprimir maior ritmo ao partido, tan so o desacerto dos primeiros lanzamento fixeron que os carballeses tardasen uns minutos en despegarse no marcador. No ataque posicional o Teucro tampouco podía parar o lanzamento e íamos ao descanso cun parcial de 12 a 20.

Segunda metade onde o Laber asentou máis a defensa impedindo as penetracións e o xogo co pivote, o que o levou a estar varios minutos sen encaixar gol, esta defensa propiciaba contras que os carballeses materalizaban ata chegar a estirar ese marcador a un 21 a 40 final.

S.D. Teucro 21 (12): Lois García e Manuel Rodríguez (porteiros), Marlosn Barco 4, David Chan 1, Juan Piñeiro 6, Enrique Fernández, Juan Castro,Martín González 2, Sergio Blond 4, Diego Fariña 1, Esteban Carballido 1, Sergio Cortizo 2.

Laber Xiria 40 (20): Diego Lema, Julio Ferreiro (porteiros) Iker Martínez 4, Alex Gómez 11, Dani Mallo 3, Franco Rial 4, Toni Calvelo 4, Aaron Rodríguez 2, Carlos Varela 5, Fer Mallo 3, Alex Puñal 1, Javi Rodríguez, Adrián Mesejo 3 e Esteban Puñal 1.

Arbitrou: Andrés Tejo