Gran vitoria do Garaysa Xiria B fronte ao Abegondo, nun partido que dominou de principio a fin
Garaysa Xiria 35 – Abegondo Todo Deporte 16
Garaysa Xiria: Román Pérez, Dani Pan, Álvaro Cotelo, Andrés Gómez, Tomás Añón, Lucas Radio, Rodrigo Rama, Quintín Insua, Hugo Rama, Jorge Nielsen, Gonzalo García
Incidencias: Partido correspondente á 3ª xornada da Liga Prata infantil masculina disputado no Pavillón Vila de Noia (Carballo).
Terceira xornada da Liga Prata infantil masculina e o Garaysa B recibía no Vila de Noia ao Abegondo Todo Deporte.
O partido comezaba moi ben para os de Carballo cunha defensa 3:3 moi presionante, que lle proporcionaba roubos de balón e saír rápido ao contrataque. Chegados ao descanso e xa cunha ampla vantaxe no marcador, a segunda metade foi un calco da primeira onde o Garaysa non baixou o nivel defensivo e seguiu correndo en ataque para chegar ao final do partido cun 35-16 a favor.
A próxima fin de semana ao Garaysa Xiria B tócalle desprazarse a Ferrol para enfrontarse ao Tirso de Molina.