Un gran Garaysa B lévase a vitoria en Abegondo logo dun moi bo partido tanto en defensa como en ataque, que lles serve para escalar á 2ª posición na Liga Prata.

Abegondo Súmate 15 – Garaysa Xiria B 44

Garaysa Xiria: Héctor Dubra, Manuel P. Mira , Tomás Añón (2), Sergio Pérez (12), Roi Pérez (2), Manuel P. Fieira (1), Gael Romero (5), Marco Núñez (7), Álvaro Cotelo (1), Jorge Nielsen (5) e Óscar Longueira (9).

Incidencias:  Partido correspondente á 5 ª xornada da Liga Prata infantil masculina disputado no Pavillón San Marcos (Abegondo)

Arrancaba o partido en Abegondo entre o 2º e 3º clasificado e facíao cos de Carballo moi serios en defensa, con moitos roubos de balón e subindo o balón en ataque moi seguros. No ecuador da primeira metade, os visitantes conseguían unha vantaxe de 10 goles, coa que se chegaría ao descanso.

A segunda metade foi máis do mesmo, e a pesar do resultado favorable, o Garaysa continuou sen baixar a intensidade en defensa e tivo moi bos minutos en ataque con moi poucas perdas de balón, para chegar ao final cun 15-44 nun partido redondo para os visitantes.

O próximo sábado, o Garaysa B recibe ao Liceo en Carballo para intentar seguir na parte alta.