O Tubasys Xiria cadete colouse na fase polo título da Liga Prata despois de vencer con autoridade o Bm. Chapela.

O equipo carballés mostrouse moi superior en todo momento ás viguesas que comezaron xa a remolque cun parcial de 5-0 nos primeiros minutos. A pesares diso, as locais acomodaronse un pouco tras conseguir unha diferenza de nove goles, e aproveitárono as de Chapela para acercarse un pouco no marcador (12-6, descanso). No segundo tempo as carballesas retomaron os folgos, abrindo as distanzas xa de forma definitiva que lle permitiu controlar o encontro sen maiores problemas.

Con esta vitoria, o Tubasys Xiria consegue o billete para o grupo polo título, e estrenarase este fin de semana contra a SD Teucro en Pontevedra.