O Calvo Xiria conseguiu a súa primeira victoria a domicilio da segunda volta ó derrotar a domicilio ó Artai Carlín por 20-26.
Como ven sendo nota habitual fronte a rivais frouxos os de Carballo saíron á cancha do municipal pontevedrés excesivamente relaxados e encaixando un 3-0 de parcial inicial. A pesares diso sabían os de Juan Fernández que tan pronto como apertaran un pouco recuperarían esa desvantaxe, e eso foi precisamente o que aconteceu, aínda que ó descanso se chegaba con vantaxe de tres goles a prol dos pontevedreses 13-10.
Na segunda metade saíron mais centrados os carballeses e cunha defensa moi seria e soamente 8 erros en ataque durante eses 30 minutos non tiveron ningún problema para consegui-la victoria. Resaltar que nos derradeiros 10 minutos de partido o equipo de Carballo xogou cos homes menos habituais estando formado o equipo nestes 10 últimos minutos por Víctor, que xogou todo o partido, Dubra, Mario, Javi Zas, Alberto, Martín e Álex.
Por graves erros na redacción do acta do partido non podemos ofrecer os goleadores do choque.
Aliñacións
– Polo Artai Carlín: Enrique, César, José Luís, Jaime, Roberto, Rey e Parcero –equipo inicial- Areses, Docampo, Jacobo, Carlos, Juan Marcos e Landín.
– Polo Calvo Xiria: Víctor, Marcos, Mario, Alfonso, Alberto, Ofi e Gvazava –equipo inicial- Villa, Dubra, David Silván, Álex, Javi Zas, Martín e Sergio.
Marcador cada 5 minutos
3-0 / 4-3 / 6-6 / 8-8 / 11-9 / 13-10 / 13-13 / 15-17 / 17-20 / 18-23 / 19-25 / 20-26
Os colexiados asturianos Sres. Rodríguez Álvarez e Sanjulián Couso estiveron correctos na súa labor.
