Aberto o prazo de preinscrición da tempada 2026/2027!
👉 Realizar inscrición en Cluber
A inscrición das Escolas Balonmán Xiria realizarase a través da plataforma Cluber. No momento da inscrición deberán introducirse os datos do/a titor/a e dos/as deportistas. No caso de inscribir varios irmáns, deberán engadirse desde a sección «Datos dos deportistas relacionados».
📅 Prazo de inscrición: ata o 31 de xullo.
Reserva de praza
A inscrición permite reservar a praza para a tempada 2026/2027 e realizar o pedido das novas equipacións oficiais. En caso de renuncia, este importe non será reembolsable.
Tras a inscrición poderás acceder a un enlace para seleccionar dorsal e talla de camiseta e pantalón para axilizar o pedido de equipacións. Os números de dorsais poderán reservarse por orde de inscrición e bloquearánse os xa seleccionados.
👉 Web para elección de dorsal e tallas
Modalidades de pago
⭐ Pago único (recomendado)
É a modalidade máis económica e permite obter un desconto respecto ao pago fraccionado.
| Categoría | Importe |
|---|---|
| Biberón / Prebenxamín | 236 € |
| Benxamín, Alevín, Infantil, Cadete e Xuvenil | 415 € |
| 2º irmán/irmá (Benxamín-Xuvenil) | 305 € |
Pago fraccionado
Se o prefires, tamén podes dividir o pagamento da tempada en 10 mensualidades.
| Categoría | Inscrición | Mensualidades | Total |
|---|---|---|---|
| Biberón / Prebenxamín | 100 € | 10 × 15 € | 250 € |
| Benxamín, Alevín, Infantil, Cadete e Xuvenil | 150 € | 10 × 29 € | 440 € |
| 2º irmán/irmá (Benxamín-Xuvenil) | 150 € | 10 × 18 € | 330 € |
Importante: Todos os importes mostrados nesta páxina corresponden ao prezo final e xa inclúen a tarifa de xestión aplicada pola plataforma Cluber. Non se aplicarán cargos adicionais durante o proceso de pagamento.
Que inclúe a inscrición?
- Licenza federativa e seguro deportivo.
- Participación en competicións e actividades da tempada.
- Camiseta oficial verde.
- Camiseta oficial branca.
- Pantalón oficial.
- Carné de socio/a para os titores/as do/a deportista.
Datas de cobro
- Inscrición: realizarase uns días despois de completar a inscrición en Cluber.
- Mensualidades: cargaranse automaticamente o día 6 de cada mes.
As mensualidades corresponden á forma de pagamento elixida e non aos meses efectivos de actividade deportiva.
- Infantil, Cadete e Xuvenil: de agosto a maio (10 mensualidades).
- Benxamín e Alevín: de setembro a xuño (10 mensualidades).
O pago realizarase exclusivamente mediante tarxeta bancaria a través da plataforma Cluber.
Descontos familiares
- O desconto familiar aplícase exclusivamente ao segundo irmán/irmá.
- O terceiro irmán/irmá terá a cota gratuíta, agás o recoñecemento médico, que deberá aboarse no momento da súa realización.
Información importante
- Coa inscrición acéptase o Regulamento Interno para Familias e Deportistas de Escolas Balonmán Xiria. Ver regulamento.
- Coa inscrición acéptase o Regulamento Interno da Federación Galega de Balonmán. Ver regulamento FGBm
- Os/as deportistas con recibos pendentes doutras tempadas deberán regularizar previamente a súa situación.
- Todos/as os/as xogadores/as deberán rexistrarse na plataforma MiSquad para activar o seguro deportivo e poder participar nas competicións oficiais. Acceder a MiSquad.
Horarios de adestramento
Horarios confirmados da tempada
