Esc. Mpal. de Camariñas (9+11): Natalia, Carlota (7), Rosa (7), Marta (2), Sara (3), Julia, Ángela (1) – sete inicial – Susana, Breneda, Ana Maria.
Punta del Este Xiria (15+13): Sara, Gabriela (4), Sheila (1), Cristina (4), Mariana (6), Carla (1), Berta (11) – sete inicial – Olalla, Tamara, Patricia (1).
Nunca é doado amosar a máxima intensidade e concentración ante equipos claramente inferiores, e isto foi precisamente o que lle aconteceu ao cadro de Carballo neste encontro. Para evitalo, o técnico, Edu Orgaz, e as xogadoras do Xiria formularon obxectivos parciais coma o de non recibir máis de 2 goles nos primeiros 10 minutos, e istos foron os poucos minutos nos cales as carballesas amosaron, ata certo punto, a calidade que atesouran. O resto da primera metade foi soso e con escaso nivel tanto técnico coma táctico, pero aínda así chegouse ao intermedio cun claro 9 – 15 a prol do Punta del Este Xiria.
A segunda metade foi aínda peor, non houbo cohesión nin acerto ningún nas decisións que se tomaban no xogo ofensivo e a defensa foi un coladoiro (ata 12 sete metros en contra ao final do partido). Tal era o desacerto que no minuto 12 as locais achegárone ata só dous goles. A partir deste momento as carballesas trocaron a súa defensa pasando a defender de maneira individual en todo o campo, o que motivou que o equipo comezase a defender con maior intensidade, acadando un parcial de 6 a 12.
A mellor do equipo foi a porteira Sara, que día a día vai mellorando e demostrando aptitudes de futura promesa, sempre que siga con esta evolución.
