Os carballeses tras un bo comezo do encontro (1-4 min. 6) desapareceron do mesmo e só conseguiron 3 goles mais nos 24 minutos restantes da primeira metade. Ademais as figuras do cadro rival Adolfo e Jota non atopaban resistencia na feble defensa carballesa. Todo isto fixo que os de Juan Fernández chegasen ó intermedio cunha renda desfavorable de 11 goles, 18-7.

A segunda metade non tivo historia e os porriñeses souberon manter a diferencia no electrónico. Notáronse demasiado as baixas dos de Carballo que non puideron contar con Dubra, Sergio e Mario por diversas lesións. Destacar a boa actuación de Pablo no seu segundo partido na categoría e o debut do extremo xuvenil Carlos.

Aliñacións

– Polo Bm. Porriño: José, Jota (9), Adolfo (11), Jonathan (4), Rey (2), Abel (3), Paulo –equipo inicial- Carlos, Mendes, Dacuña, Javi (1), Jacobo (2), Daniel (1) e Pepe (1).

– Polo Calvo Xiria: Villa, Miguel (3), Martín (2), Alfonso (4), Javi (2), Marcos (3), Fernando (2) –equipo inicial- Víctor, Alberto, Pablo (4), Ayllón (1), Álex (1), Carlos (2) e Nando (1).