Vitoria importante para un Calvo Xiria que cambiou o rumbo do partido nos segundos 30 minutos. O traballo defensivo de todo o equipo, unido á achega de Iago e os goles de David fixeron que a balanza se decantase para o Xiria.
Os primeiros instantes do partido foron para o Xiria, grazas á eficacia no contragolpe puxéronse por diante (1-3), pero o Gourmet Ampate Lanzarote, e o xogo colectivo da súa primeira liña; comandado por Mikita Bence empezaban a carburar diante do 6:0 visitante; que tiña demasiados descoidos co axuste do pivote e non vía a maneira de frear ao seu rival. Máxima igualdade pasados 20 minutos (11-11). Os instantes finais, o Lanzarote foi mellor, tanto en defensa como en ataque, aproveitando as situacións de desigualdade numérica e pechando espazos atrás. Chegouse ao descanso con 17 a 14 con todo por decidir.
Na continuación, o cambio de sistema defensivo do Xiria e o empuxe nas transicións para contraatacar, fixeron que rapidamente reflectísese de novo a igualdade no electrónico; pero apareceu Santana en portería para poñer de novo aos seus por diante. Aínda que a sensación era distinta; o Calvo Xiria, levaba a batuta do partido ao seu terreo; e de novo un parcial de 0 a 4; con dous goles espectaculares de campo a campo poñía aos de Carballo; por diante. O último cuarto de hora de partido, o Xiria non rematou a faena; tivo demasiadas concesións co seu rival nos lanzamentos de 6 metros e isto permitiu que os locais chegasen con opcións á última xogada pero Iago, cunha parada abaixo facía que os puntos viaxasen ata Carballo; despois do gran esforzo realizado durante os 60 minutos.
O sábado regresa o Calvo Xiria ao Vila de Noia, para enfrontarse ao Bm Enxeño e seguir na liña marcada ata o momento.
Balonmano San José Obrero Lanzarote 26 – Calvo Xiria 27
Balonmano San José Obrero Lanzarote (17 + 9): Francisco Javier Santana (p), Asier Morillas (p), Roberto Jesús Cabrera (p), Rafael Robayna, Joel Peraza (2), Joel Armas (1), Luis Morin, Pablo Rodríguez (1), Pedro Jesús Cabrera (4), Alexis Rodríguez (2), Cristian Oliver (1), Antonio Llopis (3), Jeppe Haahr, Mikita Bence (7), Iván Montoya, Mikita Liavonau (5).
Calvo Xiria (14+13): Iago Gómez (p) (1), Antonio Mato (p), Fari (2), Gabriel Castiñeiras (1), Fran Rey (1), Dani Mallo (1), Chimpo Rodríguez (1), Diego Vega, Juanka Rodríguez (3), Manu Méndez (1), Alejandro Gómez, Jorge Bouzas (5), Aaron Rodríguez, David García (10) Adrián Losón, Edu Cousillas (1).
Marcador cada 5 minutos: 2-4, 5-6, 9-9, 11-11, 14-12, 17-14, (descanso); 18-17, 20-19, 21-21, 22-23, 24-25, 26-27.
Árbitros: Daniel De La Torre e Adrián Rodríguez, do colexio madrileño.
Incidencias: Partido correspondente á sexta xornada do Grupo A de a Primeira Estatal, disputado no pavillón municipal de Titerroy, Lanzarote.