Garaysa Xiria – 30 (14+16): Pedro (9), Manuel, Alex G. (7), Iago (2), Julio, Iker (5), Franco (2), Miguel, Renzo, Sueiro (1), Diego Lema, Diego Rgz, Xurxo (2), Brian e Paulo.

Rasoeiro Bm. – 34 (19+15): Daniel (2), Iván, Jaime, Brais (10), Raúl, Rodrigo (6), Martín (10), Manuel (2), Antonio (3), Juan, Adrián, Raúl (1) e Cristian.

 

O equipo infantil do Xiria non acaba de atoparse cómodo nesta competición da Copa Federación, na que está a amosar un bo nivel en ataque pero non nas tarefas defensivas, onde non se imprime a intensidade necesaria para frear aos atacantes rivais.

O Rasoeiro comezou moi forte e non tardou en colocarse por riba no marcador aproveitando os erros defensivos do Xiria (Min.10 2-8). Fíxose necesario un tempo morto para arengar aos locais e evitar a catástrofe. O Garaysa reaccionou e a base de goles conseguía reducir a vantaxe dos do Grove a 3 tantos, pero en defensa o equipo seguía dando moitas facilidades ao rival que rematou a primeira metade con 19 goles.

Na segunda parte o Xiria mantivo o bo nivel ofensivo, amosando gran solvencia nas accións de ataque. Sen embargo era imposible darlle a volta ao encontro permitindo o intercambio constante de goles en ambas porterías no que se converteu este segundo tempo. Os despistes nas marcaxes foron constantes e as axudas defensivas case nunca chegaban en tempo e forma. Con esto o Garaysa conseguía gañar o parcial do segundo tempo (16-15), pero non era suficiente para darlle a volta a un encontro que comezou moi costa arriba.

A vindeira semana non haberá competición de Copa, que se retomará o primeiro fin de semana de Abril, co último encontro do Garaysa coma visitante. Será no Pavillón de Coia (Vigo), contra o actual campión de Liga, o Seis do Nadal.

Clasificación trala 3ª xornada da Copa Federación:

Fotos do encontro: