Tirso de Molina (13+14) 28: Diego, Pablo (7), Alexis (1), Juan (9), Diego C. (2), Manuel (4), Marcos (4) –equipo inicial- Edgar, Pablo, David, Adrián (1), Alejandro, Ángel.
Garaysa Xiria (15+12) 27: Miguel, Óscar (5), Diego (2), Iván (2), Ramón (7), Alberto (1), Andrés -equipo inicial – Néstor (1), Naya, Zas (5), Daniel, Rodrigo (1), Puente (3).
A derradeira xornada do “Trofeo Delegación Territorial” deparou a primeira derrota do Garaysa Xiria en competición Xuvenil Masculina oficial. O resultado final foi de 28 goles a 27 favorable ao cadro departamental do Tirso de Molina, no descanso mandaba o conxunto carballés por 13 a 15.
Partido moi igualado durante os sesenta minutos e no que puido caer a vitoria para calquera dos dous equipos. Non tirou proveito o Garaysa das sete superioridades numéricas das que dispuxo, por catro do Tirso, e nos derradeiros minutos, de novo en situación de superioridade, pagouno duramente.
Non estivo concentrado o conxunto carballés que despois da clara vitoria acadada na primeira volta víase superior ao seu rival. Mais o xogo que despregou foi falto de virtudes colectivas, tanto ofensiva coma defensivamente. Todo isto unido a un conxunto que se creceu co paso dos minutos rematou nos primeiros puntos que se deixa o Garaysa.
Co primeiro título da campaña debaixo do seu brazo despídese ata o mes de xaneiro a competición para o Garaysa Xiria que ben de seguro co comezo da Liga Territorial voltará a amosar a súa mellor faciana, facendo esquecer por completo este derradeiro encontro da «Copa».
