LIGA DE 1ª DIVISIÓN ESTATAL – XORNADA 5
22/10/2011 CALVO XIRIA 23 – CISNE BM. 24
Calvo Xiria 23 (16+7): Kike[p], Pablo (4, 2 de 7 metros), Ángel (2), Dubra (7), Jesús (3), Manuel (3), Cuco (2) -equipo inicial- Iago[p], Naya [p], Ramón, Sergio (1), Miguel (1), Alex García, Alex Zas.
Cisne Bm. 24 (12+12): Lafuente[p], Pablo (8, 3 de 7 metros), Eduardo (4), Alexandre (1), Alberto (4), Casal (1), Lorenzo (1) -equipo inicial- Galán[p], David (1), Abilleira, Chan, Sánchez, Xosé (2), Picallo (2).
Colexiados: Soriano Gil e Axanciuc, do colexio mdrileño. Excluíron aos locais Alex García ( 14 e 56), Cuco (27 3 44), tamén aos xogadores visitantes Xosé (23), Pablo (37) e David (48)
Marcador: 3-1, 7-3, 11-5, 13-7, 15-10, 16-12 (descanso); 18-15, 20-17, 21-20, 22-21, 22-22, 23-24. (final).
7 metros: Calvo Xiria: 2 / 3 ### Cisne BM.: 3 / 3
Derrota pola mínima do Calvo Xiria na 5ª xornada de liga na 1ª Estatal ante un dos equipos máis potentes da categoría. Tras esta derrota os de Carballo alónxanse dos primeiros postos, situándose na sétima posición a 4 puntos da segunda praza.
Comezou o encontro cun Calvo moi enchufado, con moita contundencia e intensidade defensiva e con rápidez e velocidade no ataque, o que propiciu que pronto abrise unha brecha de 4 goles que mantería ata o remate da primeira metade. A boa defensa, unida á actuación de Kike na meta, propiciaba recuperacións de balón que eran convertidas en goles, tanto nos contraataques como no ataque estático. Ao descanso chegábase cun 16-12, 4 goles de renda a prol dos de Carballo que aínda puideron ser máis se non fose por algún que outro contragolpe errado polos de Carballo.
Ata mediada a segunda metade, o encontro seguiu polos mesmos derroteiros, manexando o equipo de Carballo vantaxes de entre 2 e 3 goles, a defensa e a portería seguía funcionando pero o ataque comezaba a tornarse espeso e xurdía o cansancio e apagábanse as ideas, ao contar tan só tres xogadores da primeira liña dispoñibles para todo o encontro, comezaron as perdas de balón e os lanzamentos mal seleccionados o que motivoou a remontada dos pontevedreses que finalmente se levaban o partido, aínda así o Calvo tivo uns segundos a derradeira posesión do encontro que se saldou cun golpe franco a tempo cumplido bastante alonxado e escorado.
O vindeiro compromiso dos de Carballo será o sábado ás 18.30 h ante o Embutidos Lalinense-Bm. Lalín. O encontro disputarase no municipal da capital dezana ao atoparse o Lalín Arena ocupado toda a fin de semana con un torneo de tenis de mesa.
